O‘g‘lim katta ishda ishlaydi…


Saqlash
10:06 / 11.06.2024 0 120

Qo‘qon-Yaypan yo‘nalishida yo‘lovchi tashiydigan Damasdaman. Hali odam to‘lmagani uchun yurgani yo‘q. Damasning oldi o‘rindig‘ida, ko‘rinishidan 5560 yoshlar chamasidagi amaki o‘tiribdi.

 

Men o‘rtadagi o‘rindiqqa joylashdim. Yonimga 17-18 yoshlardagi qiz kelib o‘tirdi.

 

– Xola, telefoningizning vaqti bormi, onamga telefon qilib qo‘ymoqchi edim.

 

– Bemalol, vaqtidan xavotir olmang.

 

Qiz nega kech qolganini onasiga tushuntirib, xavotir olmasligini, birozdan keyin yetib borishini aytdi.

 

Old o‘rindiqdagi amaki menga yuzlandi.

 

– Qizim, bemalol bo‘lsa, telefoningizda men ham o‘g‘lim bilan gaplashib olsam maylimi?

 

– Bemalol, amaki.

 

Cho‘ntagidan chetlari yirtilib, cho‘ntakda yuraverib sarg‘ayib, kirlanib ketgan bir parchagina qog‘oz olib menga uzatdi.

 

– Shu nomerga terib berasizmi? Keyin sal ovozini balandlatib ham bering.

 

Birinchisida javob bo‘lmadi.

 

– Amaki, telelefonni ko‘tarishmadi.

 

– Katta o‘g‘lim Toshkentda yashaydi. Katta ishda ishlaydi. Tagida mashinasiyam bor.

 

Amaki o‘g‘li haqida gapirar ekan, ko‘zlari kuldi, ovozlari o‘zgardi, o‘g‘lidan faxrlanish hissi bilinib turardi.

 

– Telefonimning puli tugagan. Uyda antenayam chiqormeydi. Ba’zan o‘g‘limning ovozi juda yomon eshitilsa, ba’zan bizning ovozimiz yaxshi bormaydi. Gaplashmaganimizga 5-6 kun bo‘ldi, yana bir marta terib ko‘rasmikan-a, qizim. Yo... ishda bo‘lsa bezovta qilamanmikan... – deya ikkilanish bilan menga qaradi.

 

O‘g‘illarini rossa sog‘inibdi, o‘g‘li haqida gapirgandayoq bilinib turibdi”, – xayolimdan o‘tkazdim.

 

– Nega bezovta qilasiz, amaki, hozir, mana, yana terib ko‘ramiz, ko‘tarishsa bo‘lgani, bemalol gaplashaverasiz.

 

Xayriyat, bu safar telefonni ko‘tarishdi.

 

– Alo, eshitaman, kim bu?

 

– Saidjon, man, dadangman. Yaxshimisan, o‘g‘lim? Nevaralarim yaxshimi?

 

– Ee, dada, sizmisiz? Tinchlikmi?

 

– Haa, tinchligingni bilib qo‘yay degandim. O‘zimizning telefonimizning puli tugab qolgandi. Manetta bitta qizimni telefonidan qilyapman.

 

– Dada, ishdaman, tinchlik bo‘lsa gapni qisqaroq qilsangizchi, a?! Hech tushunmaysizakanda, a, kunduzi ishda bo‘laman deyman-u sizga!

 

Shu yerda amakining holatini ham, o‘zimning holatimni ham sizga ta’riflab berolmayman. Mening ichim shunchalar og‘ridiki...

 

– Uzr, o‘g‘lim, uzr. Meyli, tinch bo‘lsang bo‘ldi, bolam.

 

Amakining gapi tugamadi, allaqachon kattakon o‘g‘il telefonni qo‘yib bo‘lgandi.

 

Amaki menga qaramay turib sekin telefonni uzatdi.

 

– O‘g‘limni ishi juda ko‘p-da. Katta ishda ishlash qiyin-da.

 

Bu so‘zlar amakining og‘zidan shunchalar sekin chiqardiki, shunchalar alamli yig‘i bilan chiqardiki...

 

Sherzod OLIMOV

Izoh yo‘q

Izoh qoldirish

So‘nggi qo‘yilgan

Barchasi

Bilasizmi?

12:06 / 13.06.2024 0 128
Nemislar qanday qilib sanitar tozalikka o‘rgatilgan?

Qatra

17:06 / 11.06.2024 0 99
Oriyat

Qatra

14:06 / 10.06.2024 0 255
XXI asrning qalampir maqoli

Qatra

12:06 / 06.06.2024 0 575
Didimizning tarozisi buzilib qolganmi?

Hikmat

10:06 / 05.06.2024 0 536
Dadasi “oʻlgan” bolalar



Ko‘p o‘qilgan

Barchasi

Qatra

20:12 / 07.12.2021 143 207904
Oppoq qog‘oz va qora dog‘

Hikmat

20:12 / 02.12.2021 88 97800
Eshikka osilgan taxtacha

Qomus

11:12 / 29.12.2021 4 23738
Kompetentlik

Qomus

17:08 / 04.08.2023 4 23267
Milliy urf-odatlar

Qomus

10:12 / 28.12.2021 9 17485
Manqurt(lik)

Qomus

15:07 / 28.07.2023 5 16689
Mehmon. Mehmondorchilik odobi. Mehmondo‘stlik

Qomus

12:04 / 17.04.2023 1 15349
Xarakter

Qomus

10:09 / 26.09.2023 3 13712
Ommaviy madaniyat

//